सांगली : राष्ट्रवादी काँग्रेस पार्टी शरदचंद्र पवार पक्षाच्या अल्पसंख्यांक सेलतर्फे पदवाटप कार्यक्रम शहर जिल्हाध्यक्ष संजयजी बजाज व पक्ष निरीक्षक शेखर माने साहेब यांच्या हस्ते पार पडला. या कार्यक्रमाचे आयोजन शहर जिल्हा अल्पसंख्यांक सेल अध्यक्ष आयुब भाई बारगीर यांच्या नेतृत्वाखाली करण्यात आले.
या प्रसंगी बोलताना आयुब भाई बारगीर म्हणाले, “आमदार जयंत पाटील साहेब यांच्या नेतृत्वाखाली राष्ट्रवादी काँग्रेस हा सर्वसामान्य व अल्पसंख्यांक समाजाच्या हितासाठी सतत कार्य करणारा पक्ष आहे. पुढील काळात संजयजी बजाज यांच्या मार्गदर्शनाखाली सर्व जाती-धर्मांना एकत्र आणून पक्षवाढीसाठी तसेच जनतेच्या प्रश्नांच्या निवारणासाठी आम्ही काम करणार आहोत. राज्याचे अल्पसंख्यांक समाज इथून पुढच्या काळामध्ये पक्षावर विश्वास ठेवत आहे व पक्षाच्या बरोबर राहील.
यावेळी बोलताना शेखर माने साहेब म्हणाले की, आगामी निवडणुका मध्ये पक्ष जास्तीत जास्त नव्या चेहऱ्यांना संधी देईल अल्पसंख्यांक सेलच्या माध्यमातून प्रत्येक वार्डामध्ये नव्याने बूथ कमिटी स्थापन करा
यावेळी शहर जिल्हाध्यक्ष संजयजी बजाज म्हणाले, राष्ट्रवादी काँग्रेस हा सर्वसमावेशक विचारसरणीचा पक्ष आहे. आगामी महापालिका, जिल्हा परिषद व ग्रामपंचायत निवडणुकीत जयंत पाटील साहेब यांच्या नेतृत्वाखाली आम्ही जोरदारपणे लढणार आहोत. समाजातील विविध प्रश्न सोडवण्यासाठी आम्ही कटिबद्ध आहोत. आगामी महापालिकेत नव्या चेहऱ्यांना संधी देऊन पक्षाची ताकद वाढवली जाईल.
अल्पसंख्यांक ची जिल्हाध्यक्ष आयुब भाई यांच्या माध्यमातून अल्पसंख्यांक सेलची बांधणी जोरात होत आहे..
या कार्यक्रमात कुपवाड शहराध्यक्ष म्हणून साहिल घोरी , शहर जिल्हा उपाध्यक्ष अझरुद्दीन भाई जमादार, व कुपवाड शहर कार्याध्यक्ष पदी शाहरुख शेख यांची निवड करण्यात आली.
शेवटी, कार्यकर्त्यांबद्दल कृतज्ञता व्यक्त करत आयुब भाई बारगीर यांनी म्हटलं, “आज पक्षासाठी निष्ठेने काम करणारे कार्यकर्ते हा पक्षाचा कणा आहेत. त्याग आणि तळमळीने काम करणाऱ्या या कार्यकर्त्यांमुळेच पक्ष मजबूत झाला आहे. पुढे पक्षात येणाऱ्या नव्या पदाधिकाऱ्यांनीही हाच जोश आणि आत्मविश्वास जोपासून पक्षवाढीसाठी व जनतेच्या सेवेसाठी नेहमी तत्पर राहावं, हीच अपेक्षा आहे.”
या पद वाटप कार्यक्रमात पक्षाचे ज्येष्ठ नगरसेवक शेडजी मोहिते साहेब ज्येष्ठ नेते मुस्ताक भाई रंगरेज, विधानसभा क्षेत्राचे अध्यक्ष सचिन दादा जगदाळे, मिरज शहर अध्यक्ष अभिजीत दादा हारगे, कुपवाड शहराध्यक्ष तानाजी गडदे , कुपवाड दर्गा सरपंच आयनुद्दिन भाई मुजावर कामगार सेल जिल्हाध्यक्ष विनायक आबा हेगडे, युवक उपाध्यक्ष शहर जिल्हा उपाध्यक्ष विजयदादा माळी, शहर जिल्हा युवक कार्याध्यक्ष संदीप दादा होनमाने, युवक नेते आकाश भैया कांबळे, युवक उपाध्यक्ष पप्पूदादा कोळेकर, अल्पसंख्यांक सेल कार्याध्यक्ष इर्शाद भाई पखाली, उपाध्यक्ष अझरभाई सय्यद, अल्पसंख्यांक सेल सांगली शहर अध्यक्ष असलम भाई मुल्ला, अल्पसंख्यांक सेल सचिव अंजर फकीर, युवक अध्यक्ष वाजिद खतीब, सांगली शहर युवक अध्यक्ष आश्रफ चाऊस, कामगार सेलचे,अमित चव्हाण, राहील मुल्ला, एजाज भाई काझी , मुदस्सर शेख व पक्षाचे सचिव शुभम जाधव आदी मान्यवर व कार्यकर्ते उपस्थित होते.