नांदेड :- विधानसभा निवडणूक 2024 साठी 20 नोव्हेंबर 2024 ला मतदान होणार आहे. यासाठी जिल्हाधिकारी अभिजीत राऊत यांनी शाळेतील विद्यार्थ्यांच्या माध्यमातून निवडणूक विभागाच्या निर्देशानुसार संकल्पपत्र घेण्याचे आवाहन केले आहे.
त्याचा प्रतिसाद म्हणून लोहा 88 विधानसभा निवडणूक निर्णय अधिकारी श्रीमती अरुणा संगेवार व तहसीलदार तथा सहाय्यक निवडणूक निर्णय अधिकारी विठ्ठल परळीकर, गटशिक्षणाधिकारी सतीश व्यवहारे यांच्या मार्गदर्शनाखाली जिल्हा परिषद केंद्रीय प्राथमिक शाळा मारतळा येथील वर्ग पहिली ते सातवीच्या 158 विद्यार्थ्यांना संकल्पपत्र देण्यात आले. त्यात आई-वडिलांना मतदान करण्यासाठी भावनिक आवाहन केले आहे. तसेच पालकांचा ठराव म्हणून आम्ही मतदान करणारच तसेच शेजारी आणि मित्रमंडळी यांना सुद्धा मतदान करण्यास प्रेरित करणार असल्याचे नमूद करून त्यावर आई-वडिलांची स्वाक्षरी आहे.
हा उपक्रम यशस्वी करण्यासाठी शाळेचे मुख्याध्यापक रवी ढगे, व्यंकटराव मुगावे, श्रीमती रेवती दमकोंडवार, देवबा होळकर, श्रीमती जयश्री बारोळे, माधुरी मलदोडे, सुप्रिया लांडगे, श्याम पाटील मारतळेकर व विद्यार्थी मोठ्या संख्येने उपस्थित होते.