विहिरी, गायगोठे, फळबागांसह वैयक्तिक लाभाची कामे मोठ्या प्रमाणावर सुरू करण्याची मागणी; कामात दिरंगाई करणाऱ्यांवर कारवाईची मागणी
जामखेड | प्रतिनिधी
जामखेड तालुक्यात दुष्काळसदृश परिस्थिती निर्माण झाल्याने ग्रामीण भागातील मजूर वर्गासमोर रोजगाराचा प्रश्न निर्माण झाला आहे. अशा परिस्थितीत रोजगार हमी योजनेअंतर्गत वैयक्तिक लाभाची कामे मोठ्या प्रमाणावर सुरू करण्यात यावीत, अशी मागणी मजूर वर्गातून होत आहे.
तालुक्यात वैयक्तिक लाभाच्या विहिरी, गायगोठे, फळबाग लागवड तसेच इतर मंजूर कामे अपेक्षित प्रमाणात सुरू नसल्याने अनेक मजुरांना स्थानिक पातळीवर रोजगार उपलब्ध होत नसल्याचे नागरिकांचे म्हणणे आहे.
दुष्काळाच्या काळात शेतीची कामे कमी झाल्याने ग्रामीण मजुरांना रोजगार हमी योजनेचा आधार महत्त्वाचा ठरतो. त्यामुळे पात्र लाभार्थ्यांची मंजूर कामे तातडीने सुरू करून स्थानिक मजुरांना रोजगार उपलब्ध करून द्यावा, अशी मागणी होत आहे.
कामे सुरू न करणाऱ्या जबाबदारांवर कारवाई होणार का?
रोजगार हमी योजनेअंतर्गत कामे मंजूर असूनही ती प्रत्यक्षात सुरू होत नसतील किंवा कामे सुरू करण्यास अनावश्यक विलंब होत असेल, तर यासाठी जबाबदार अधिकारी व कर्मचाऱ्यांची जबाबदारी निश्चित करून नियमानुसार कारवाई करावी, अशी मागणीही मजूर वर्गातून होत आहे.
प्रशासनाने जामखेड तालुक्यातील मंजूर व प्रलंबित वैयक्तिक लाभाच्या कामांचा तातडीने आढावा घेऊन विहिरी, गायगोठे, फळबागा आणि इतर रोजगार हमीची कामे मोठ्या प्रमाणावर सुरू करावीत, अशी मागणी आहे.
दुष्काळाच्या काळात मजुरांना रोजगार उपलब्ध करून देणे आणि मंजूर कामांची प्रभावी अंमलबजावणी करणे आवश्यक असल्याने प्रशासन याबाबत कोणती कार्यवाही करणार, याकडे मजूर वर्गाचे लक्ष लागले आहे.
— रवीकुमार शिंदे
माहिती अधिकार कार्यकर्ता | हिंदी मराठी पत्रकार संघ, तालुका संघटक
आपलं सत्य अहिल्यानगर — संपादक
#जामखेड #रोजगारहमी #मनरेगा #दुष्काळ #मजूर #रोजगार #वैयक्तिकलाभ #विहीर #गायगोठा #फळबाग #अहिल्यानगर #महाराष्ट्र #शेतकरी #ग्रामीणरोजगार