🚨 नागरिकांसाठी महत्त्वाची सूचना : 'आफ्रिकन स्वाइन फिवर' बाबत सतर्क राहा, पण घाबरू नका!...

राहाता तालुक्यातील साकुरी येथे 'आफ्रिकन स्वाइन फिवर'चा प्रादुर्भाव; जिल्हा प्रशासन पूर्णपणे सज्ज !

अहिल्यानगर जिल्ह्यातील राहाता तालुक्यातील साकुरी परिसरात डुकरांमध्ये 'आफ्रिकन स्वाइन फिवर' (African Swine Fever) हा विषाणूजन्य आजार आढळून आला आहे. या पार्श्वभूमीवर जिल्हाधिकारी पंकज आशिया यांच्या आदेशानुसार प्रशासनाने तातडीने उपाययोजना सुरू केल्या आहेत.

✅ नागरिकांसाठी दिलासादायक बाब:

या आजाराचे नाव 'स्वाइन फिवर' असले तरी हा आजार मानवामध्ये संक्रमित होत नाही. स्वाइन फ्लू (H1N1) आणि आफ्रिकन स्वाइन फिवर हे दोन्ही वेगळे आजार आहेत. त्यामुळे नागरिकांनी कोणत्याही अफवांवर विश्वास ठेवू नये किंवा घाबरून जाऊ नये.

👨‍⚕️ जिल्हा प्रशासनाची तत्पर कार्यवाही :

🔹 प्रतिबंधित क्षेत्र : साकुरी परिसर 'बाधित क्षेत्र' तर १० किमीचा परिसर 'सनियंत्रण क्षेत्र' म्हणून घोषित. खबरदारी म्हणून परिसरात मांस विक्रीवर बंदी.

🔹रॅपिड रिस्पॉन्स टीम : पशुसंवर्धन विभागाचे सहायक आयुक्त आणि पशुवैद्यकीय डॉक्टरांची विशेष टीम साकुरीत कार्यरत आहे.

🔹शास्त्रीय विल्हेवाट : बाधित डुकरांना दयामरण देऊन त्यांची शास्त्रीय पद्धतीने विल्हेवाट लावली जात आहे. यासाठी शेतकऱ्यांना नियमानुसार नुकसान भरपाई दिली जाणार आहे.

🔹निर्जंतुकीकरण: परिसरात सोडियम हायड्रोक्लोराइड आणि औषधांची फवारणी करून पूर्ण परिसर निर्जंतुक केला जात आहे.

📢 प्रशासनाचे आवाहन :

"हा आजार केवळ डुकरांपासून डुकरांना होतो. मानवाला याचा कोणताही धोका नाही. प्रशासनाकडून योग्य ती खबरदारी घेतली जात असून परिस्थिती नियंत्रणात आहे. नागरिकांनी अफवांवर विश्वास न ठेवता प्रशासनाला सहकार्य करावे."

- जिल्हा पशुसंवर्धन विभाग व जिल्हा प्रशासन, अहिल्यानगर

अधिकृत माहितीसाठी जिल्हा प्रशासनाच्या सूचनांचे पालन करा.

#Ahilyanagar #AfricanSwineFever #DistrictAdministration #PublicSafety #Rahata #Sakuri #Awareness #NoPanic