*सांगली प्रतिनिधी *
सांगली मिरज आणि कुपवाड शहर महानगरपालिका क्षेत्राला अनेक समस्यांनी सध्या ग्रासले असून सांगली मिरजेतील लोकप्रतिनिधींची याकडे डोळेझाक होताना दिसत आहे .
मोकाट कुत्री मोकाट जनावर रस्त्यांचे निकृष्ट बांधकाम रस्त्यांना पडणारी भक्ताड अशुद्ध पाणीपुरवठा देण्याची दुरावस्था यासह अनेक समस्या मनपा प्रशासनासमोर उभ्या असतानाही याकडे बघून न बघितल्यासारखे केले जात आहे .त्यामुळे सर्वसामान्य नागरिक सध्या त्रस्त झाला असून त्याने या प्रशासनाकडून आणि सध्याच्या लोकप्रतिनिधींकडून काही होईल याची अपेक्षा सोडून दिली आहे.
त्यामुळे नवनिर्वाचित विधान परिषदेचे आमदार इद्रिस नायकवडी यांनी यात लक्ष घालावे आणि प्रशासनाचा लगाम खेचावा अशी मागणी लोकहित मंचचे अध्यक्ष मनोज भिसे यांनी आमदार इद्रिस नायकवडी यांच्याकडे केली आहे .यावेळी मनोज भिसे यांनी आमदार नायकवडी यांचा पुष्पगुच्छ देऊन सत्कारही केलाय.