सांगली मिरज आणि कुपवाड शहर महानगरपालिकेच्या नूतन आयुक्तपदी मा. संजिता मोहपात्रा यांची नियुक्ती झाली आहे. त्यांचे 'लोकहित मंच, सांगली' कडून मनःपूर्वक स्वागत!
शहराच्या विकासासाठी नूतन आयुक्तांकडून सांगलीकरांना मोठ्या अपेक्षा आहेत. विशेषतः मनपाची आर्थिक स्थिती सुधारण्यासाठी घरपट्टी आणि पाणीपट्टीची थकीत वसुली जोमाने करणे अत्यंत गरजेचे आहे. वसुली वाढली तरच शहराच्या विकासकामांना गती मिळेल.
आमच्या प्रमुख मागण्या आणि अपेक्षा:
✅ कर वसुलीत वाढ: घरपट्टी आणि पाणीपट्टी वसुलीसाठी विशेष मोहीम राबवून महापालिकेचे उत्पन्न वाढवणे.
✅ अतिक्रमण निर्मूलन: शहरातील रस्ते मोकळे करण्यासाठी अनधिकृत बांधकामांवर धडाकेबाज कारवाई करणे.
✅ स्वच्छ सांगली: शेरीनाला शुद्धीकरण आणि कृष्णा नदी प्रदूषणाबाबत ठोस पावले उचलणे.
✅ मूलभूत सुविधा: रस्ते रुंदीकरण, चौकांचे सुशोभीकरण आणि नवीन इलेक्ट्रिकल बससेवा सुरू करणे.
आम्हाला विश्वास आहे की, राजकीय दबाव झुगारून आयुक्त महोदया शहराला शिस्त लावतील आणि विकासाचा नवा पॅटर्न राबवतील. 🛑🏗️
- मनोज भिसे
(लोकहित मंच, सांगली)