नवमहाराष्ट्र शिक्षण संस्था, कुपवाडचा वर्धापन दिन जैन प्रकोष्ट चे प्रदेश उपाध्यक्ष डॉ. रावसाहेब पाटील, सांगली शिक्षण विभागाचे लेखाधिकारी रविराज शिंदे यांच्या प्रमुख उपस्थितीत पार पडला. कार्यक्रमाची सुरूवात प्रमुख पाहूण्यांच्या हस्ते संस्था ध्वजारोहणाने झाली. तसेच उपस्थित पालकांच्या हस्ते सत्यनारायण पुजा करणेत आली. कार्यक्रमाचे प्रास्ताविक संस्थेचे अध्यक्ष आण्णासाहेब उपाध्ये यांनी केले. अकुज प्रायमरी स्कूलच्या विद्यार्थ्यांनी ईशस्तवन व स्वागत गीत सादर केले.
सेवाजेष्ठ शिक्षक दिलीप माळी यांनी आजपर्यंतचा संस्थेच्या कार्याचा आढावा सादर केला. तसेच उपस्थित पाहूण्यांचे स्वागत व परिचय पर्यवेक्षक अनिल चौगुले यांनी केले. रावसाहेब पाटील, मा. प्राचार्य बापू जाधव यांनी वर्धापनदिनानिमित्त शुभेच्छा देवून संस्थेच्या कार्याबद्दल गौरवोद्गार काढले उपस्थित विद्यार्थी, पालकांना मार्गदर्शनपर मनोगत व्यक्त केले.
तदनंतर संस्थेच्या सर्व विभागातील विद्यार्थ्यांचा स्पर्धा परीक्षा, क्रीडा परीक्षा, शालेय परीक्षेच्या उत्तुंग यशाबद्दल सत्कार व बक्षिस वितरण प्रमुख उपस्थित मान्यवरांच्या हस्ते करणेत आले.
वर्धापनदिनानिमित्त शाळेतील विद्यार्थी व त्यांच्या पालकांसाठी विनोदवीर भरतकुमार पाटील यांचा हास्यविनोदी कार्यक्रम आयोजित करणेत आला होता.
प्रमुख पाहूण्यांनी संस्थेमार्फत सुरू असलेल्या विविध शैक्षणिक उपक्रम त्यामध्ये जिओग्राफी लॅब, कॉम्पुटर लॅब, लँग्वेज लॅब, सायन्स लॅब, गणित लॅब, यास भेट देवून माहिती घेतली व संस्थेच्या कार्याबद्दल समाधान व्यक्त केले.
यावेळी संस्थेचे अध्यक्ष आण्णासाहेब उपाध्ये, उपाध्यक्ष सुरज उपाध्ये, सचिव रितेश शेठ, संचालिका आशालता उपाध्ये, कांचन उपाध्ये, डॉ. पूनम उपाध्ये, संचालक बाळासो कोथळे, डॉ. अभिजीत शेटे, माजी मुख्याध्यापक, महावीर बिरनाळे, शोभा आंबेवाडीकर, शिक्षक - शिक्षकेतर कर्मचारी रघुनाथ सातपुते, मौलाली शेख, सामाजिक कार्यकर्ते प्रविण गौंडाजे, राहुल पाटील, सनी धोतरे, उपस्थित होते.
कार्यक्रमाचे आभार अनिल शिंदे यांनी मानले. सूत्रसंचालन सुचिता पाटील मॅडम व रिया पाटील मॅडम यांनी केले. या कार्यक्रमाचे नियोजन सर्व विभागाच्या मुख्याध्यापकांनी केले.सर्व शिक्षक, पालक, हितचिंतक ,विद्यार्थी- विद्यार्थिनी यांच्या उपस्थितीमध्ये हा कार्यक्रम संपन्न झाला.