*ति. झं. विद्यमंदिरात क्रीडा पारितोषिक मोठ्या उत्साहात संपन्न* .
ना. ए. सोसायटी संचलित ति. झं. विद्यामंदिर, व प्राथमिक विद्यामंदिर शाळेत वार्षिक क्रीडा पारितोषिक वितरण समारंभ 2025 मोठ्या उत्साहात संपन्न झाला . या कार्यक्रमास प्रमुख पाहुणे म्हणून शाळेचे माजी विद्यार्थी शांतीलालशेठ लुणावत हे उपस्थित होते, यावेळी त्यांनी विद्यार्थ्यांना पुढील वाटचालीसाठी शुभेच्छा दिल्या व शालेय विकास कामासाठी 25000 रुपयाचे साहित्य व शालेय विद्यार्थ्यांना गणवेश दिले. कार्यक्रमाच्या अध्यक्षस्थानी शाळेचे शालेय समिती अध्यक्ष विश्वास बोडके हे उपस्थित होते , त्यांनी विद्यार्थ्यांना मार्गदर्शन केले. कार्यक्रमाचे स्वागत व प्रास्ताविक शाळेचे मुख्याध्यापक नरेंद्र मोहिते यांनी केले . पाहुण्यांनी सरस्वतीपूजन केले. गीतमंचाने स्वागतगीत सादर केले. यावेळी प्राथमिक शाळेच्या मुख्याध्यापिका वंदना आडके , पालक शिक्षक संघाच्या उपाध्यक्षा रुपाली उचाडे, शाळेचे माजी शिक्षक रत्नाकर बकरे, पालक शिक्षक संघाचे सदस्य भास्कर भदाणे , शालेय पंतप्रधान कु. स्नेहल माळी हे उपस्थित होते. प्रमुख अतिथींचा परिचय कुंदन गवळी, यांनी करून दिला . कार्यक्रमाचे सूत्रसंचलन शाळेची विद्यार्थीनी कु. जान्हवी हिरे हिने केले. पारितोषिक निवेदन व यादी वाचन कु. काजल खोकले व कु. स्नेहल माळी यांनी केले. हेमंत काशीकर यांनी उपस्थितांचे आभार मानले. सदर कार्यक्रमास मोठ्या संख्येने पालक उपस्थित होते . कैलास टोपले, संदिप पाटील, माया सिसोदे, विजया चतुर , महाजन सर, विलास कडाळे, सुनील शेटे, दिगंबर माळी, चीमा सापटे, आदींनी कार्यक्रम यशस्वीतेसाठी प्रयत्न केले.