नांदेड : अखिल भारतीय बहुजन समता परिषदेचे नेते इंजि. चंद्रप्रकाश देगलूरकर यांना भारतीय संविधान सन्मान राष्ट्रीय गौरव पुरस्काराने रविवार दिनांक २८ डिसेंबर २०२५ रोजी भद्रावती जिल्हा चंद्रपूर येथे सन्मानित करण्यात आले.
भारतीय संविधान सन्मान समारोह समिती, मौलिक अधिकार संघर्ष समिती आणि ह्युमन राईट्स असोसिएशन ऑफ इंडिया यांच्या संयुक्त विद्यमाने नविन सुमठाणा, भद्रावती जिल्हा चंद्रपूर येथे रविवार दिनांक २८ डिसेंबर २०२५ रोजी दुपारी १ वाजता भारतीय संविधान सन्मान समारोहात इंजि. चंद्रप्रकाश देगलूरकर यांना भारतीय संविधान सन्मान राष्ट्रीय गौरव पुरस्कार देऊन सन्मानित करण्यात आले.
देशात विविध ठिकाणी व्याख्यानांच्या माध्यमातून भारतीय संविधान व परिवर्तनवादी विचारांचा सातत्याने प्रचार प्रसार करणारे परखड वक्ते इंजि. चंद्रप्रकाश देगलूरकर यांची या राष्ट्रीय गौरव पुरस्कारासाठी निवड झाली होती. सुप्रसिद्ध साहित्यिक राष्ट्रीय कवी मधू बावलकर (आदिलाबाद), सत्यशोधक रघुनाथ ढोक (पुणे), मानवी हक्क आयोगाचे अध्यक्ष न्या. शिवदास महाजन (मुंबई), सुप्रसिद्ध कवी नागनाथ डोलारे (पनवेल), साहित्यिक सुकुमार पेटकुले (आदिलाबाद), नाट्य कलावंत गायत्री रामटेके (बल्लारशा), आयोजक आनंद भगत, दीपक भगत यांच्या हस्ते हा पुरस्कार प्रदान करण्यात आला.