नांदेड :- मा. श्री. अबिनाश कुमार, पोलीस अधीक्षक, नांदेड यांनी शहरात वाढत असलेली ट्राफिक समस्या अटोक्यात आणनेसाठी शहरात चालणारी अवैध प्रवाशी वाहतूक तसेच विना परवाना / परमिट चालणारे वाहणे, भरधाव वेगाने चालणारी वाहने, फटाका बुलेट यांचेवरती कार्यवाही करण्याची मोहीम राबविणे बाबत शहर वाहतूक शाखा वजिराबाद यांना आदेशीत केले होते.
त्या अनुषंगाने दिनांक 17.03.2026 रोजी श्री भागवत नागरगोजे, सहायक पोलीस निरीक्षक, शहर वाहतूक शाखा, वजिराबाद यांनी अंमलदार यांचे समवेत रेल्वे स्टेशन रोड, वजिराबाद चौक, कलामंदीर, वर्कशॉप, राजकॉर्नर व छत्रपती चौक या ठिकाणी वाहणांची कागदपत्रे तपासणी केली. सोबतच ऑटो चालकांना गणवेश परिधान करणेबाबत सुचना देवुन वाहतूकीस अडथळा निर्माण करणारे वाहनांवर, ट्रिपल सिट वाहने, परवाना नसलेले वाहने व इतर यांचेवर कार्यवाही करुन एकुन 233 केसेस करून 2,31,600/- रूपयांचा दंड अकारण्यात आला आहे.
वाढत असलेल्या ट्राफीक मुळे लोकांनी त्यांची चार चाकी / दोन चाकी वाहने कुठेही पार्क न करता पार्कीगचे ठिकाणी पार्क करावे, वाहतुकीस अडथळा निर्माण होईल या प्रकारे कोणतेही फळ गाडे व इतर असे रस्त्यामध्ये लावुन अतिक्रमन करू नये, सिग्नलचे पालन करावे व वाहतुकीस अडथळा होईल अशी कोणतीही कृती करू नये व पोलीस प्रशासनास सहकार्य करावे. अन्यथा मोटार वाहन कायदा व इतर कायद्यान्वये कडक कार्यवाही करण्यात येईल बाबत पोलीस प्रशासनाचे वतिने आवाहन करण्यात येत आहे.
सदरची कारवाई मा. श्री अबिनाश कुमार, पोलीस अधीक्षक नांदेड, मा. श्री सुरज गुरव, अपर पोलीस अधीक्षक नांदेड, यांचे मार्गदर्शनाखाली अधीकारी / अंमलदार शहर वाहतूक शाखा वजिराबाद यांनी केली आहे.